Jakina denez, Gipuzkoako foru agintariek plaka bat jarri zuten Foru Palazioan Espainiako bandera jarri beharra salatzeko orain hil batzuk. Eta duela gutxi, plaka hori kendu zuten. Orain, Gipuzkoako plaka lapurtu zutenak salatuak izan dira. Foru Diputazioan jarritako kamerek delatatu dituzte bi karlista espainiarrak. Biak Comunión Tradicionalista Carlista alderdikoak dira, Sixto Enrique de Borbón-Parma ultraeskuindarraren jarraitzaileak eta Nafarroa Garaiko gobernuarekin harreman onak dituztenak alboko fotoan ikusten denez behintzat. Deia egunkariak gaurko alean, Iñigo Perez Radakoaren fotoa ekarri du, karlismoaren museoaren inaugurazioan Miguel Sanz Goi Nafarroako presidente espainiarraren ondoan agertzen delarik, eskuinaldean. Sanz-en gobernuak, Deia-k dakarrenez, 11.000 euro eman zizkion Perez Radakoari goinafar ondasunak berriztatzeko edo konpontzeko, Iñigo Perez Radakoak museo bat zuzentzen duelako Irunberrin (Goi Nafarroa). Informazio gehiago lortzeko eta bideo kamerek egindako fotoa ikusteko Diario de Gipuzkoa kazeta digitalean kontsulta daiteke.
