Nafarroa Garaia iruditan eta himno nazionala

Hona hemen Goi Nafarroako paisaia gorriak eta berdeak EITBren Euskal Herria lau haizeetara izeneko lanean erabilitako irudiak baliatuz. Nafarroaren himno nazionalaren euskarazko bertsioa ere ikasiko duzu irudi ederrei so egiten diezuen bitartean. Nafarzaleok Azpirozek euskaratutako himnoa ikasiko dugu bideo honen bidez.

Komentariorik egin nahi? idatz egiguzu

C.F.N.-ko legebiltzarrean, "akats txiki bat"

Gaur, C.F.N.ko legebiltzarrean, 1990 Osasun Legea aldatzeko aukerari uko egin zaio denbora baterako, eta hala, ez da posible izango abortatzea. C.F.N.ko Gobernuak Espainiako Abortuen legea indargabetzeko duen nahia zapuzteko aukera zen gaurkoa, legebiltzarrean berriz, ez da lortu.

PSNk aurkeztutako tramitea aurrera atera ez izanaren arrazoia, NaBai-ko lau legebiltzarkide han ez egotea izan da. Horrela, bozkaketak ezezko emaitza izan du, boto batengatik. Roberto Jimenezek, PSN-ko idazkari nagusiak, azalpenak eskatu dizkie NaBaikideei. Haserre agertu da. Dena dela, saiakera egingo da oraingo sesio garaia bukatu aurretik berriro ere eztabaida hau eman dadin legebiltzarrean.

Lodosako Ibaialde ikastolak laguntza behar du

Gaurko Berria kazetaren paperezko edizioan eta 7. orrialdean Ikastolen elkartasuna titulupeko artikulua ikusi dut. Notiziaren laburpen edo sarreratxoan, Naiara Elola kazetariak idatzitakoak honako hau dio:

Gastuei aurre egin ezinik dabil Lodosako Ibaialde ikastola. Aurtengo Nafarroa Oinezen lortzen duen diruaren %20 Ibaialde finantzatzeko erabiliko du Atarrabiako Paz de Ziganda ikastolak.

Albisteak nafarzaleoi dakarkigun larritasuna gorabehera, pozgarria da ikustea nafarron artean dagoen elkartasuna. Nafarroako ikastolen artean 240.000 euro bildu dituzte Ibaialde ikastolari emateko. Egun, Goi Nafarroan 7.000 ikasle inguru daude eta arazo ekonomiko larriena duena Ibaialde da. Bihoazkie Nafarron kazeta digital honetatik gure adoreak.