Araba Euskaraz gaurko egunean Agurain herrian

Gogoratu gaur bertan ospatzen dela Arabako ikastolen festa Agurain herri nafarrean. Araba Euskaraz jaiaren txanda heldu da. Espainiarrek Salvatierra izena jarri zioten, euskal herri askorekin egin zuten bezala. Guretzat, Agurain izango da beti. Espero dezagun nafarzale euskaltzaleok bertara joatea euskarari bultzada emateko eta bide batez gure aldarria are gehiago zabaltzeko: euskara da nafarron hizkuntza nazionala; geure estatuarena.

Ibilaldia 2010 Bermeo herrian

Mendebaldeko Nafarroako euskaldun askori esker, aurten ere posible egiten da Bizkaiko ikastolen festa burutzea eta ikastolei laguntzea. Gaur bertan ospatzen da Bizkaiko kostaldeko Bermeo herrian ikastolen festa. Programa ondo horniturik dator eta hemen mapa jartzen dizuegu gal ez zaitezten. Gogoratu Wikipediaren euskarazko bertsioan informazio asko topatu ahal duzuela Bermiori buruz. Arraingunea ere jarri dute, partehartzaileek atuna, sardinak eta gainerakoak proba ditzaten. Eta beti lez, txoznak eta musika ona domeka festa giroan pasatzeko.