Osoa erakundearen onlineko denda

Osoa.net webguneak Interneteko denda berriztatu du eta produktu erakargarriak jarri ditu eskuragarri. Besteak beste, eranskailuak, liburuak eta kamisetak plazaratu dituzte nafarzaletasunarekin horren konpromiso handia dutenek. Lerro honetatik, Joseba Ariznabarreta filosofoaren Pueblo y Poder izeneko liburua gomendatzen dizuegu. Diseinuko gauzak nafarzaletasuna argiro eta lau haizeetara adierazi ahal izateko. Zorionak Nafarrok deritzon infogune honetatik eta jakin badakizue hemendik goiti non erosi euskaldunon produktuak.

Nafarroako himnoa Osoa.net gunean

Osoa.net webgunean lan handia egiten ari dira estatu nafarraren alde azken urteotan. Nafarroa Osoko hainbat herritarrek konzientzia hartu dute zein den beren herria, nola subiranoa izan den eta estatalitatea aldarrikatzen dute. Baina himnoa ere zabaldu nahi izan dute euskaldun orok ikas dezan gure doinua. Hemen duzue Osoa.net gunean PDF moduan edo soinu lez eskuragarri duzuen himno nafarra.

Nafarron himno nazionala deskargatzeko, egizue klik alboko irudian eta PNG moduko irudia deskargatu ahalko duzue zeuen disko gogorrera. Eta ez ahaztu komeni dela himnoa hedatzea Nafarroako mutur batetik bestera, Baskoniako Landetatik Oska herriraino.