Torturaren kontrako protokoloa ez zuen abiatu Ertzaintzak eta orain Agirresarobek eta Ezkerrak tratu txarrak salatu dituzte. Poliziek jo eta umiliazio etengabeak egin dizkietela salatu dute hernaniarrek. Gasteizko ospitale batean artatu behar izan zituztela dio Berria egunkariak bi herritarren hitzak aipatuz. Grande Marlaska epaileak DNA PROBA berriro ere egiteko eskatu du. Oraindik jende askok galdetzen du nola gerta daitekeen hainbat urte pasatu eta gero eta DNArik aurkitu ezinik, bapatean arrastoak topatzea. Eskerrak herritarrek gogoeta egiten badakiten. Inoiz Justiziak azaldu beharko du dena. Orain Aitziber Ezkerra askatu dute 30.000 euroren truk. Ikustekoa izango da Espainiako hedabide batzuek nola ematen duten notizia oraingoan... edo agian hobe dukete notiziarik ez ematea. Nik behintzat jotzearena eta umiliazioena ez dut inon aurkitu Madrilgo prentsan eta Nafarroako prentsa espainiarrean.
Komentariorik egin nahi? idatz egiguzu
