Sutea Lahontanen

Gaur goizaldeko ordubiak aldera sutea gertatu da Bearneko Lahontan herrian. Barnean, zorionez, ez zegoen inor, beraz ez dago biktimarik, baina ondoan, bizilagunak zituen etxe bat zegoen. Sua, ordea, ez da ondoko bizilekura zabaldu, Puyoô eta Lahontaneko suhiltzaileei esker: ordu erdian itzali dute sua, eta goizeko zazpi t'erdiak arte egon dira bertan, behaketa lanetan.